காந்தியடிகளாரின் 150வது பிறந்தநாளில் ஆயுள் சிறைவாசிகளை விடுதலை வேண்டும்! மனிதநேய மக்கள் கட்சி கோரிக்கை!!

1513 Views
காந்தியடிகளாரின் 150வது பிறந்தநாளில் ஆயுள் சிறைவாசிகளை விடுதலை வேண்டும்! மனிதநேய மக்கள் கட்சி கோரிக்கை!!
22853133_1607139562676572_5539068324807528645_n
மனிதநேய மக்கள் கட்சித் தலைவர் பேரா. எம்.எச்.ஜவாஹிருல்லா வெளியிடும் அறிக்கை:
தேசத் தந்தை காந்தியடிகளின் 150வது பிறந்த நாளை (அக்டோபர் 2) முன்னிட்டு பல்வேறு திட்டங்கள் மத்திய அரசால் அறிவிக்கப்பட்டுள்ளது. இந்த நாளில் பல்வேறு குற்ற வழக்குகளில் மொத்த தண்டனையில் ஐம்பது சதவீத சிறைத் தண்டனை அனுபவித்த ஆண், பெண் கைதிகளை விடுவிக்க மத்திய அமைச்சரவை முடிவெடுத்து அதனை அனைத்து மாநில மற்றும் யூனியன் பிரதேசங்களுக்கு அறிவுறுத்தி செயல்படுத்தப்படும் என மத்திய அரசு சார்பில் தெரிவிக்கப்பட்டுள்ளது. மத்திய அரசின் இந்த அறிவிப்பை மனிதநேய மக்கள் கட்சி வரவேற்கிறது.
மத்திய அரசின் இந்த அறிவுறுத்தல் அடிப்படையில் தமிழக சிறைச்சாலைகளில் 10 ஆண்டுகளுக்கு மேலாக சிறைகளில் வாடும் பேரறிவாளன் மற்றும் முஸ்லிம் சிறைவாசிகள் உட்பட அனைவரையும் இந்திய அரசியலமைப்பு சட்டப் பிரிவு 161ஐ பயன்படுத்தி விடுதலை செய்ய  வேண்டும்  என மனிதநேய மக்கள் கட்சி சார்பில் கேட்டுக்கொள்கிறேன்.
மீள முடியாத நோய் தாக்கியவர்கள், மூன்றில் ஒரு பங்கு தண்டனையை கழித்திருந்தால் அவர்களும் விடுவிக்கப்படுவார்கள் என மத்திய அரசு அமைச்சரவை முடிவெடுத்துள்ள நிலையில், தமிழக சிறைச்சாலைகளில் கடும் நோயினால் பாதிக்கப் பட்டுள்ளவர்களையும், குறிப்பாக கோவை சிறையில் கடந்த 20 ஆண்டுகளாக ஆயுள் தண்டனை சிறை அனுபவித்து எஸ்.எல்.ஈ. எனும் கொடிய நோயினால் தாக்கப்பட்டு அதன் காரணமாக இரண்டு சிறுநீரகங்களும் பாதிக்கப்பட்டு கண்பார்வை குறைந்துள்ள சிறைவாசி அபுதாஹிர் உட்பட நோயாளிகளாக உள்ள சிறைவாசிகளையும் கருணை அடிப்படையில் உடனே விடுதலை செய்ய நடவடிக்கை எடுக்க வேண்டும் என தமிழக அரசை மனிதநேய மக்கள் கட்சி சார்பில் வலியுறுத்தி கேட்டுக் கொள்கிறேன்.
இவண்
எம்.எச்.ஜவாஹிருல்லா
தலைவர்
மனிதநேய மக்கள் கட்சி
Leave a Reply